Assalamualaikum wr.wb
Nuwun.
Bapak
kepala sekolah SMAN 1 banguntapan ingkang satuhu kinurmatan, Bapak ibu guru lan
para karyawan karyawati ingkang kula kinurmati lan para siswa ingkang kula
tresnani.
Mangga
sesarengan kita sedaya ngaturaken puja puji syukur wonten ngarsanipun Gusti
Allah SWT ingkang sampun paring kasarasan, kawilujengan lan kabagyan dhumateng
kula panjenengan sedaya. Satemah kita sedaya saged makempal nindaaken adicara
pagelaran wayang mangeti tanggap warsa SMAN 1 Banguntapan kaping 28 (wolu
likur) taun kanthi wilujeng nir ing sambekala ngantos dumugi paripurnaning
pagilaran wayang menika. Kula minangka perwakilan siswa SMAN 1 Banguntapan
menika ngaturaken agunging panuwun awit sedaya bimbingan saha penyungkuyangipun
bapak kepala sekolah, bapak ibu guru, karyawan lan kanca-kanca ingkang sampun
ndherek nyengkuyung ing acara pagilaran wayang menika, saengga saged kalaksenan
lan samangke saged lumampah mboten wonten alangan satunggal menapa.
Ing
pagilaran wayang menika badhe didalangi dening dalang ingkang sampun misuwur
inggih punika Ki Manteb. Wonten pagelaran menika ki manteb badhe nyariosaken
babagan ramayana ingkang dikarang dening mpu Walmika. Ing Ramayana wonten 7 babagan,
inggih menika Balakanda, ayodyakanda, aranyakanda, kiskendakanda, sundarakanda,
yudhakanda, lan utarakanda.
Balakanda
nyariyosaken miyosipun dewi sinta. Salah satunggaling putri widadari lan
manungsa ingkang gadah kesak tian lan direbutaken kaliyan tiyang kathah. Ayodyakanda
nyariyosaken babagan Dasarata ingkang gadhah kepinginan nyerahaken kerajaan
dumateng rama nanging dialangi kaliyan dewi kekayi. Aranyakanda nyariyosaken
babagan sinta ingkang diculik dening utusanipun rahwana lan rama madosi sinta.
Kiskendakanda nyariyosaken babagan sugriwa lan subali dados kethek amargi
ngrebutaken pusaka cupu manik astagina. Sundarakanda nyariyosaken babagan rama
dibiyantu kaliyan rombongan anoman kagem ndamel jembatan ngantos dumugi
kerajaan rahwana. Yudhakanda nyariyosaken babagan peperangan rama kaliyan
rahwana. lan ingkang pungkasan inggeh punika utarakanda ingkang nguji
kesucianipun sinta, ingkang ngujinipun dibakar nanging mboten kobong amargi
dibiyantu dening dewa api.
Mugi
mugi kanthi diwontenaken pagilaran wayang menika kita saged nglestantunaken
kabudayan jawi ingkang sampun ical saking jiwa para tiyang anem. menawi boten
kita, sinten malih ingkang badhe nglestantunaken?
Ing
wasana cekap semanten atur kula, menawi wonten kalepatan anggenkula matur saha
solah bawa ingkang mboten mranani penggalih kula nyuwun segaraning pangapunten.
Wassalamualaikum wr.wb
